Azərbaycan, Bakı, 24 may /Trend, müxbir A.Axundov/
Əldə edilən nailiyyətlərə baxmayaraq, Azərbaycanın kənd təsərrüfatı sahəsində bu sahənin intensiv inkişafını ləngidən bir sıra problemlər hələ də qalır. Bu barədə kənd təsərrüfatı naziri İsmət Abasov çərşənbə axşamı rəsmi mətbuatda dərc edilən məqalədə deyib.
"Bu problemlərdən başlıcası torpaqların münbitliyinin pozulması, şoranlaşması, eroziyaya uğraması çirkləndirilməsi və digər deqradasiya prosesləridir. Bunun nəticəsində suvarılan torpaqların meliorativ vəziyyəti kəskin pisləşib. Əkin və suvarılan sahələrin çoxunda meliorativ tədbirlərin aparılması tələb olunur. Kür-Araz ovalığında şoranlaşmış 500 min hektara yaxın ərazi yuyulmalıdır", - Abasov bildirib.
Onun sözlərinə görə, ölkədə kənd təsərrüfatı məhsullarının 85-90 faizi suvarılan ərazilərdə istehsal edilir.
"Pambıq, tütün, tərəvəz və s. kimi rentabelli bitkilər tamamilə suvarına torpaqlarda becərilir. Səpin üçün istifadə edilən ərazilərin 78 faizinin suvarma tələb etməsi suya qənaət edən müasir texnika və texnologiyaların tətbiqini zəruri edir və qlobal iqlim dəyişikliyi fonunda bu məslənin aktuallığını artırır", - Abasov qeyd edib.
Onun sözlərinə görə, Azərbaycanın əkin sahələrinin 188400 hektarının işğal edildiyini, eləcə də kənd təsərrüfatı torpaqlarının məhsuldarlığının pozulmasını və digər məsələləri nəzərə alaraq, əkin sahələrindən başqa məqsədlər üçün istifadənin qarşısı alınmalıdır və bu hallarla bağlı adekvat qərarlar qəbul edilməlidir.
"Ölkədə kənd təsərrüfatı bitkilərinin suvarılması üçün ildə 9-11 milyard kubmetr su tələb olunduğu halda, quraqlıq illərində su ehtiyatı cəmi 5,5 milyard kubmetr təşkil edir. Bu isə kənd təsərrüfatı bitkilərinin suya olan tələbatını ödəmir. Vəziyyət kanalların müsbət fəaliyyət əmsalının aşağı olması səbəbindən bu suyun 30-35 faizinin, eləcə də suyun güclü buraxılması nəticəsində 25-30 faizinin itirilməsi ilə daha da pisləşir. Nəticədə kənd təsərrüfatına böyük ziyan vurulur", - Abasov vurğulayıb.
Keçmiş kolxoz, sovxoz və digər kənd təsərrüfatı müəssisələrinin vaxtilə təsərrüfatdaxili şəbəkələrdə müvafiq təmir-bərpa işləri aparmamaları və kollektiv kənd təsərrüfatının ləğv edilməsi nəticəsində fəaliyyətlərinin dayandırmaları səbəbindən onların avadanlıqları və kanallar yararsız vəziyyətə düşüb. Bu, sistemdə su itkisinin artmasına və bu obyektlərdə torpaqların şoranlaşdırılması təhlükəsinin yaranmasına səbəb olub.
Nazirin sözlərinə görə, sadalanan problemlərin həlli, kənd təsərrüfatının ölkənin bütün regionlarında davamlı inkişafı, suvarılan əkin sahələrində yüksək məhsuldarlığın əldə edilməsi üçün su təminatının yaxşılaşdırılması, kollektor-drenaj sisteminin və irriqasiya kanallarının bərpası, yeni artezian quyularının qazılması və mövcud quyuların bərpası, bu sahəyə investisiya qoyuluşlarının artırılması, eləcə də digər zəruri tədbirlərin görülməsi ölkənin aqrar sektorunun inkişafında qətiyyətli dönüş etməyə imkan verəcək.
