...

Azərbaycanda artıq borclanma ilə mübarizə üzrə iki layihəyə start verilib

Biznes və iqtisadiyyat xəbərləri Materials 4 Oktyabr 2011 17:36

Trend-i buradan izləyin

Azərbaycan, Bakı, 4 oktyabr /Trend, muxbir N.İsmayılova/

Azərbaycan Mikromaliyyə Assosiasiyası (AMFA) artıq borclanma ilə mübarizə məqsədilə iki layihənin həyata keçirilməsinə başlayıb. Trend-in məlumatına görə, bu barədə çərşənbə axşamı "Azərbaycanda artıq borclanma ilə mübarizə" movzusunda AMFA-nın icraçı direktoru Jalə Hacıyeva bildirib.

"AMFA müxtəlif dövlətlərin, eləcə də Mərkəzi və Şərqi Avropanın ən çox inkisaf etmiş mikromaliyyə bazarı olan Bosniya və Herseqovinanın iş təcrübəsini öyrənib. Həmin bazarlarda artıq borclanma ümumi vəziyyəti ağırlaşdırıb. Azərbaycanda vəziyyətə aydınlıq gətirmək üçün araşdırmalar aparmaq lazımdır. Bu məqsədlə də biz iki layihənin həyata keçirilməsinə başladıq", - Hacıyeva deyib.

Onun sözlərinə görə, birinci layihə 4 regional mərkəzi - Şəki, Lənkəran, Bakı və Gəncəni əhatə edir.

"Assosiasiya bir regionda fəaliyyət göstərib bir necə təşkilatda aktiv krediti olan müştərilər barədə məlumatlar toplayır", - o əlavə edib.

Hacıyevanın sözlərinə görə, araşdırmalar Şəkidə 11 təşkilatı əhatə edib, hazırda Lənkəranda 15 təşkilat, Bakıda və Gəncədə isə 20 təşkilat barədə məlumat toplanılır.

Dekabr ayının sonuna qədər bu layihə əsasında statistika hazır olacaq.

"İkinci təşəbbüsün maliyyələsdirilməsi EFSE tərəfindən, texniki dəstəyi isə Polşa mikromaliyyə mərkəzi tərəfindən həyata keçirilir. Bu araşdırma ölkənin 60 regionunun müştərisi olan 1100 respondenti əhatə edir", - Hacıyeva əlavə edib.

Onun sözlərinə görə, araşdırmalar dekabrın ortalarına qədər yekunlaşacaq və ilkin nəticələr yanvar ayında əldə olunacaq.

"Bu cür araşdırmalar Bosniya və Herseqovinada da keçirilib və Azərbaycan bu araşdırmaların aparıldığı üçüncü ölkə olub. Beynəlxalq təşkilatlar mikromaliyyə təşkilatlarının rolu və ölkədə artıq borclanma vəziyyətini yaxşılaşdırmaq barədə öz məsləhətləri ilə kömək edəcəklər", - Hacıyeva deyib.

Onun sözlərinə görə, assosiasiya borcalanın gəlirlərinin krediti qaytarmağa uyğun olmasının mümkünlüyünü araşdırmağı qarşısına məqsəd qoyub.

"Problem ondadır ki, müştərilərin ümumi borcu mənfəətindən artıq olur", - o əlavə edib.

İcraçı direktorun sözlərinə görə, növbəti mərhələdə assosiasiya müştərilərin maliyyə savadının səviyyəsini daha yaxşılaşdırmaq məqsədilə Mərkəzi Bankla işləmək niyyətindədir.

Gecikmiş kreditlərin payı (30 günə qədər) mikromaliyyə təşkilatlarının ümumilikdə verdiyi kredit portfelinin 2 faizini (16 min manata qədər) təşkil edir, mikromaliyyələşdirmə ilə məşğul olan banklarda isə 3 faizini təşkil edir.

Assosasiyanın 27 üzvü var.

Xəbər lenti

Xəbər lenti