Azərbaycan, Bakı, 3 iyul /Trend, müxbir H.Vəliyev/
"Azərkosmos" ASC "Azerspace/Africasat-1a" peyki vasitəsilə Azərbaycan TV paketinə baxmaq üçün istifadəçi tənzimləmələrini açıqlayıb.
Trend ASC-yə istinadən məlumat verir ki, istifadəçilər peyk qəbuledicilərini bu formada tənzimləməlidirlər: tezlik - 11169 MHz, sürət - 20400, polyarlaşma - Horizontal və FEC - 5/6.
Hazırda Azərbaycanın 7 telekanalı ("AzTV", "İdman Azərbaycan", "Mədəniyyət", "İctimai", "ATV İnt.", "Xəzər", "Azad Azərbaycan") "Azerspace" peykinin resurslarına keçirilib.
"Azerspace/Africasat-1a" rabitə peyki 46 dərəcə Şərq uzunluq dairəsində, geostasionar orbitdə yerləşib.