Bakı. Rufiz Hafizoğlu - Trend:
Gəmilərin hərəkəti üçün nəzərdə tutulan İstanbul kanalının tikintisi strateji layihədir.
Trend-in məlumatına görə, bunu Türkiyə Prezidenti Rəcəb Tayyib Ərdoğan bəyan edib.
Dövlət başçısı qeyd edib ki, bu, oxşar layihələrlə uğurla rəqabət aparacaq mühüm gəmiçilik layihələrindən biridir:
"Türkiyə əvvəllər olduğu kimi, gələcəkdə də dünya əhəmiyyətli layihələr həyata keçirəcək".
R.T.Ərdoğan bildirib ki, hakim Ədalət və İnkişaf Partiyası İstanbulun, həmçinin Türkiyənin bütün iri şəhərlərinin inkişafına xüsusi diqqət ayırır.