Bakı. Trend:
Səudiyyə Ərəbistanı gündəlik neft hasilatının könüllü olaraq 1 milyon barrel azaldılmasını 2024-cü ilin ikinci rübünün sonuna qədər uzadıb.
Trend-in məlumatına görə, bu barədə ölkənin Energetika Nazirliyindəki rəsmi mənbə bildirib.
Məlumata görə, bu, ölkənin neft hasilatının iyun ayına qədər gündəlik 9 milyon barel səviyyəsində qalması deməkdir.
Azaldılan həcmlərin vəziyyətindən asılı olaraq mərhələli şəkildə bazara qaytarılacağı bildirilib. Bu, 2024-cü ilin sonuna qədər qüvvədə qalacaq, daha əvvəl elan edilmiş gündəlik 500 min barel hasilatın azaldılmasına əlavədir.