Bakı. Trend:
Myanmanın paytaxtı Naypyitaw şəhərindən 10 kilometr qərbdə 5,3 bal gücündə zəlzələ qeydə alınıb.
Trend xəbər verir ki, bu barədə məlumatı Tailandın Meteorologiya Departamenti yayıb.
Bildirilir ki, yeraltı təkanlar yerli vaxtla saat 03:02-də (Moskva vaxtı ilə 13 aprel, saat 23:02) baş verib. Zəlzələnin ocağı 10 kilometr dərinlikdə yerləşib.
Bundan əlavə, ölkənin bir neçə bölgəsində 3,4-3,9 bal gücündə təkanlar hiss olunub.
Dağıntı və insan tələfatı ilə bağlı məlumat verilməyib.