Bakı. Trend:
Futbol üzrə Azərbaycan Kubokunun final matçının keçirilmə tarixi dəyişdirilib.
Bu barədə Trend-ə Peşəkar Futbol Liqasından məlumat verilib.
Tarix dəyişikliyinə səbəb mayın 21-də Bakıda start götürəcək minifutbol üzrə dünya çempionatının final oyununun iyunun 1-nə təsadüf etməsidir.
Minifutbol Federasiyasının Peşəkar Futbol Liqasına etdiyi müraciət nəzərə alınaraq, Azərbaycan Kubokunun final qarşılaşmasının tarixi bir gün əvvələ – mayın 31-nə dəyişdirilib.
Qeyd edək ki, qarşılaşma əvvəlcədən planlaşdırıldığı kimi Mehdi Hüseynzadə adına Sumqayıt şəhər stadionunda keçiriləcək və saat 19:00-da başlayacaq.