Azərbaycan, Bakı, 4 iyul /Trend, müxbir K.Zərbalıyeva/
Bakıda sürücü avtomobillə 4 nəfəri vurub.
Trend-in Daxili İşlər Nazirliyinin internet saytına istinadən verdiyi məlumata görə, dünən saat 23:30 radələrində Xəzər rayonu ərazisində, Zirə qəsəbə sakini Nazar Burcəliyev "VAZ- 2106" markalı avtomaşını idarə edərkən Əmircan qəsəbə sakinləri Hikmət Novruzovu, Vüqar Qövrəliyevi, Tural Heydərovu və Orxan Sadıqovu vurub.
Nəticədə Sadıqov hadisə yerində ölüb, xəsarət almış digərləri xəstəxanaya yerləşdiriliblər.
Novruzova tibbi yardım göstərildikdən sonra buraxılıb, digərlərinin vəziyyətləri isə orta-ağırdır.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
