Azərbaycan, Bakı, 29 may /Trend/
Fövqəladə Hallar Nazirliyi bu gecə Bakıda baş vermiş ağır yol qəzası ilə bağlı məlumat yayıb.
Trend FHN-in rəsmi saytına istinadən məlumat verir ki, Bakı şəhəri, Nizami rayonunda vətəndaşa məxsus "Hyundai-Santafe" markalı minik avtomobili ilə "VAZ" markalı minik avtomobilinin toqquşması nəticəsində yanğınla nəticələnən yol qəzası baş verib. Yanğın nəticəsində "VAZ" markalı minik avtomobilinin mühərrik hissəsi yanıb.
Qəza zamanı şəxsiyyətləri məlum olmayan 3 nəfər (2 sürücü, 1 sərnişin) aldığı müxtəlif bədən xəsarətləri ilə Sabunçu rayon 3 saylı Şəhər Kliniki Xəstəxanasına aparılıb. Avtomobilin qalan hissəsi və digər avtomobil yanğından mühafizə olunub.
Yanğın saat 00:12-də yanğınsöndürənlər tərəfindən söndürülüb.