Gürcüstan, Tbilisi, 12 may /Trend, müxbir N.Kirsxaliya/
Tbilisidə səfərdə olan Aİ-nin Cənubi Qafqaz üzrə xüsusi nümayəndəsi Piter Semnebi Gürcüstanın xarici işlər naziri Qriqol Vaşadze ilə görüşüb.
Görüşdə tərəflər Gürcüstan və Avropa İttifaqı əməkdaşlığının prioritet istiqamətlərini müzakirə ediblər. Bu barədə Trend-ə Gürcüstan XİN-dən məlumat verilib.
"Ölkələr arasında münasibətlərin inkişaf etməsi templəri müsbət qiymətləndirilib", - xarici siyasət idarəsindən bildirilib.
Eləcə də Rusiya və işğal olunmuş ərazilərlə bağlı məsələlər müzakirə olunub, Aİ-nin müşahidə missiyasının fəaliyyətinin və Cenevrə danışıqlarının böyük əhəmiyyəti qeyd olunub.
Görüşdə hər iki tərəf mayın 30-na təyin edilən seçkilərin demokratik və ədalətli keçirilməsinin zəruriliyini qeyd edib.
