...

Azərbaycanda xəstələrə gözün buynuz qişasının transplantasiyasına başlanılır

Cəmiyyət Materials 7 Noyabr 2017 12:50
Yaxın bir neçə həftədə Azərbaycanda xəstələrə gözün buynuz qişasının transplantasiyasına başlanılacaq.
Azərbaycanda xəstələrə gözün buynuz qişasının transplantasiyasına başlanılır

Trend-i buradan izləyin

Bakı. Elçin Mehdiyev – Trend:

Yaxın bir neçə həftədə Azərbaycanda xəstələrə gözün buynuz qişasının transplantasiyasına başlanılacaq.

Trend-in məlumatına görə, bunu jurnalistlərə Akademik Zərifə Əliyeva adına Milli Oftalmologiya Mərkəzinin aparıcı elmi işçisi Fərəh Abduləliyeva deyib.

F.Abduləliyeva bildirib ki, hazırda Mərkəzdə 3000-dən çox xəstə gözün buynuz qişasının köçürülməsi üçün qeydiyyatdadır.

Onun sözlərinə görə, gözün buynuz qişalarının İran, ABŞ və Rusiyadan gətirilməsi nəzərdə tutulur: “Həmin ölkələrin donor bankları ilə danışıqlar həyata keçirilib və razılıq əldə olunub. Hazırda sənədləşdirilmə işləri aparılır və yaxın bir neçə həftə ərzində Azərbaycana gözün buynuz qişası gətiriləcək”.

F.Abduləliyeva vurğulayıb ki, ilk mərhələdə təcili əməliyyata ehtiyacı olanlara gözün buynuz qişaları köçürüləcək.

O qeyd edib ki, əməliyyat Mərkəzdə icra olunacaq.

F.Abduləliyevanın sözlərinə görə, xəstələrin 20 faizə qədərini uşaqlar, yerdə qalan hissəsini isə böyüklər təşkil edir.

Məqalədə:
Xəbər lenti

Xəbər lenti