Bakı. Elçin Mehdiyev – Trend:
Bu gün IV İslam Həmrəyliyi Oyunlarında yunan-Roma güləşi üzrə yarışlarda daha iki güləşçimiz – Orxan Nuriyev (98 kq) və Murad Məmmədov (59 kq) 1/4 finalda mübarizəyə qoşulub.
Trend-in məlumatına görə, O.Nuriyevin rəqibi Pakistan təmsilçisi Rza Tayab, M.Məmmədovun isə rəqibi İran təmsilçisi Nurbaxış Məhəmməd olub.
O.Nuriyev rəqibinə 9:0, M.Məmmədov isə 10:4 hesabı ilə qalib gələrək yarımfinala çıxıblar.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.