Bakı. Trend:
İngiltərə Premyer Liqasının 27-ci turunda "Çelsi" doğma meydanda turnir cədvəlinin sonuncusu "Sauthempton"u qəbul edib.
Trend xəbər verir ki, Londonda keçirilən görüşdə "zadəganlar" 4:0 hesabı ilə qalib gəlib.
Matçın ilk qolunu 24-cü dəqiqədə Kristofor Nkunku vurub. Daha sonra Pedru Netu (36’), Kolvill (44’) və Kukurelya (78’) fərqlənərək komandalarına inamlı qələbə qazandırıblar.
Bu nəticə ilə "Çelsi" xallarını 46-ya yüksəldərək turnir cədvəlində 4-cü pilləyə qalxıb. "Sauthempton" isə 9 xalla sonuncu - 20-ci sırada qalıb.