...

Qarabağda ilk "ağıllı kənd"in tikintisi yekunlaşmaq üzrədir - İnam Kərimov

İqtisadiyyat Materials 24 Dekabr 2021 10:42 (UTC +04:00)
Qarabağda ilk "ağıllı kənd"in tikintisi yekunlaşmaq üzrədir - İnam Kərimov

Bakı. Çingiz Səfərli - Trend:

Qarabağda artıq ilk "ağıllı kənd"in tikintisi yekunlaşmaq üzrədir.

Trend-in məlumatına görə, bunu kənd təsərrüfatı naziri İnam Kərimov "Qarabağ: Cənubi Qafqazdan dünyaya açılan yeni mənzərə" elmi-praktik konfransında çıxışı zamanı deyib.

Nazir bildirib ki, bölgədə Araz vadisi və Ağdam sənaye parklarının yaradılması kənd təsərrüfatının inkişafına da mühüm təsir göstərəcək.

"Torpaqlarımızın azad edilməsi qarşımıza bu ərazilərin aqrar potensialından istifadə etmək vəzifəsini qoyub. Azad olmuş ərazilərdə quruculuq işləri "ağllı kənd" və "ağıllı şəhər" konsepsiyası əsasında aparılır, ən müasir aqrar innovasiyalar tətbiq olunur. Minalardan təmizlənmiş ərazilərdə payızlıq və yazlıq əkinlər aparılıb", - nazir deyib.

İ.Kərimov əlavə edib ki, həmin ərazilərdə heyvan xəstəliklərindən azad zonaların yaradılması üzrə də aidiyyəti qurumlarla birgə iş aparılır.

Məqalədə:
Xəbər lenti

Xəbər lenti