Azərbaycan, Bakı, 18 iyul /Trend, müxbir A.Axundov/
Azərbaycan Mərkəzi Bankı (AMB) böhranlı kommunikasiyaların mexanizmini hazırlayır. Trend-in məlumatına görə, bu barədə cümə axşamı jurnalistlərə AMB-nin İdarə Heyəti sədrinin müavini Aftandil Babayev deyib.
AMB iyulun 18-də KİV nümayəndələri üçün "Açıq qapı" günü keçirib.
Onun sözlərinə görə, bu mexanizm hadisələrə operativ reaksiya vermək və KİV-də AMB-nin fəaliyyətinə aid rəsmi məlumatların və məqalələrə reaksiyaların vaxtında yayılması üçün vacibdir: "Belə ki, əhalinin bütün bunlara böyük marağı var".
Babayev deyib: "Biz bu alətin işini avtomatlaşdırmaq niyyətindəyik. Bundan başqa, Mərkəzi Bank fəaliyyətinin müxtəlif istiqamətləri üzrə spiker alətlərinin tətbiqi üzərində işləyir".
Onun sözlərinə görə, AMB fəaliyyəti haqqında əhalini məlumatlandırmaq məsələlərinə böyük diqqət ayırır: "Kommunikasiyalar və kommunikasiyalar strategiyasının həyata keçirilməsi departamentinin fəaliyyət göstərməsi bunun təsdiqidir".
