Azərbaycan, Bakı, 2 dekabr /Trend, müxbir A.Axundov/
Azərbaycan Mərkəzi Bankı (AMB) 2014-cü ilin sonunadək sərəncamında olan valyuta ehtiyatlarını 16 milyard dollaradək artırmağı planlaşdırır. Trend-in məlumatına görə, bu barədə AMB-nin İdarə Heyəti sədrinin müavini Aftandil Babayev bildirib.
Onun sözlərinə görə, bu ilin sonunadək AMB valyuta ehtiyatlarının həcminin 14,5 milyard dollaradək artacağını gözləyir. İlin əvvəlində isə AMB-nin valyuta ehtiyatları 11 694,8 milyon dollar olub.
A.Babayev bildirib: "Gələn il biz valyuta ehtiyatlarının 1,5 milyard dollar artımını gözləyirik. Lakin bizim məqsədimiz ehtiyatların artımı deyil, onların sabitliyidir".
Noyabrın 1-nə olan məlumata görə, AMB-nin valyuta ehtiyatları 13,58 milyard dollar səviyyəsindədir.
