Azərbaycan, Bakı, 2 dekabr /Trend, müxbir A.Axundov/
Azərbaycan Mərkəzi Bankı (AMB) Asiya bazarlarında ilkin mərhələdə 500-600 milyon dollar məbləğində qiymətli kağızlar əldə etmək niyyətindədir. Trend-in məlumatına görə, bu barədə AMB-nin İdarə Heyəti sədrinin müavini Aftandil Babayev bildirib.
Onun sözlərinə görə, AMB artıq Asiya bazarlarında, əsas etibarilə Sinqapur, Malayziya, İndoneziya, Cənubi Koreya bazarlarında işləmək üçün əcnəbi menecerlərlə danışıqlar aparır.
A.Babayevin qeyd etdiyi kimi, Çin bazarı da Mərkəzi Bankın maraq dairəsinə daxildir.
