...

Qanunsuz tikililər sökülməyəcək - ARDNŞ

Energetika Materials 18 Yanvar 2012 18:52 (UTC +04:00)
İşlənmə altında olan torpaqlarda və boru kəmərlərinin təhlükəsizliyi zonalarında yerləşən qanunsuz tikililərin sökülməsi ilə bağlı məhkəmənin qərarı icraya göndərilməyəcək.
Qanunsuz tikililər sökülməyəcək - ARDNŞ

Azərbaycan, Bakı, 18 yanvar /Trend, müxbir E.İsmayılov/

İşlənmə altında olan torpaqlarda və boru kəmərlərinin təhlükəsizliyi zonalarında yerləşən qanunsuz tikililərin sökülməsi ilə bağlı məhkəmənin qərarı icraya göndərilməyəcək. Trend-in məlumatına görə, bu barədə çərşənbə günü Bakının Xətai rayonunda belə tikililərin sahibləri ilə görüşən ARDNŞ-nin (Azərbaycan Respublikası Dövlət Neft Şirkəti) vitse-prezidenti Mikayıl İsmayılov deyib.

Onun sözlərinə görə, artıq vətəndaşların yaşadığı qanunsuz tikililər sökülməyəcək, ARDNŞ-nin məhkəməyə müraciəti isə beynəlxalq auditlərin keçirilməsi və beynəlxalq reytinq agentlərinin şirkətə reytinq verməsi çərçivəsində zəruridir.

İstehsalat sahələrində qanunsuz tikililərin mövcudluğu beynəlxalq auditin keçirlmə prosesinə və ARDNŞ-nin reytinqlərin verilməsi ilə bağlı müraciətlərinin nəzərdən keçirilməsinə mənfi təsir edir. Öz növbəsində, ARDNŞ-yə yüksək reytinqlər Azərbaycandan kənarda iri layihələrin həyata keçirilməsi üçün zəruri kreditlərin alınması üçün lazımdır.

İsmayılovun sözlərinə görə, müvafiq olaraq, məhkəməyə müraciət ARDNŞ-nin qanunsuz tikinti prosesi ilə əlaqəsinin olmamasına təminatdır.

Bununla belə, ARDNŞ bundan sonra işlənmə altında olan və digər istehsalat məqsədləri üçün nəzərdə tutulan ərazilərdə qanunsuz tikililərə yol verməyəcək.

Xəbər lenti

Xəbər lenti