Azərbaycan, Bakı, 30 oktyabr /Trend/
Geofizika və Geologiya İdarəsinin "Kəşfiyyatgeofizika" İstehsalat Bölümü "Azneft" İstehsalat Birliyinin sifarişi əsasında "Çeylaxtarma-Nardaranaxtarma" sahəsində 2D seysmik kəşfiyyat işlərini uğurla davam etdirir.
Trend ARDNŞ-nin rəsmi saytına istinadən məlumat verir ki, işlər "Çeylaxtarma-Nardaranaxtarma" sahəsinin geoloji quruluşunun dəqiqləşdirilməsi və karbohidrogenlərin yayılma arealının müəyyənləşdirilməsi, zonanın neft-qazlılıq perspektivliyinin öyrənilməsi məqsədi daşıyır.
Əldə ediləcək yeni məlumatlar axtarış-qazma işlərinin düzgün istiqamətləndirilməsinə şərait yaradacaq.
Qeyd edək ki, "Şamaxı-Qobustan" neftli-qazlı rayonunda yerləşən həmin sahədə işlərin 50 faizdən artıq hissəsi yerinə yetirilib, qravimaqnitometrik ölçü işləri başa çatdırılıb. Seysmik-kəşfiyyat işlərinin də bu ilin sonuna kimi başa çatdırılması nəzərdə tutulur.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
