Fransa, Paris, 1 fevral /Trend, müxbir A.Bədəlova/
Fransanın "Airbus Defence and Space" (Astrium) şirkəti ilk aşağı orbitli peykin və ikinci telekommunikasiya peykinin istehsalı üzrə tenderlərdə iştirak etmək niyyətindədir. Trend-in məlumatına görə, bunu jurnalistlərə şirkətin yerüstü müşahidə naviqasiyası və elm sahəsində ixracat üzrə direktoru Gi Limuzen deyib.
Onun sözlərinə görə, şirkət istehsalatla yanaşı, Azərbaycan mütəxəssislərinin peykin idarə edilməsi üzrə təlim keçməsi xidmətini təklif edir.
Qeyd edək ki, ötən ilin fevralında orbitə çıxarılan Azərbaycanın birinci "Azerspace/Africasat-1a" telekommunikasiya peyki rəqəmli teleradio yayımı, internet şəbəkəsinə çıxış, məlumatların ötürülməsi, VSAT multiservis şəbəkələrinin yaradılması və s. xidmətlərin göstərilməsi üçün nəzərdə tutulub.