Azərbaycan, Bakı, 29 iyul /Trend, müxbir Hüseyn Vəliyev/
Azərbaycanın ikinci telekommunikasiya peyki "Azerspace-2"-nin tikintisi üzrə tenderin qalibi 2015-ci ilin III rübündə müəyyənləşəcək. Bunu Trend-ə "Azərkosmos" ASC-dən deyiblər.
Hazırda tender iştirakçılarının təklifləri qiymətləndirilir, bundan sonra müvaqilənin imzalanması nəzərdə tutulur.
Peykin tikintisi və yerüstü idarəetmə mərkəzi üçün avadanlığın tədarükü üzrə tenderdə ABŞ ("Orbital" və "Space Systems Loral"), Çin ("China Great Wall Industry Corporation") və Fransa ("Airbus Defence and Space") iştirak edirlər.
Avadanlığın yerüstü stansiyaya instalyasiyası üzrə işlər 2017-ci ildən gec başa çatmamalıdır, hazır peyk 2017-ci ilin sonunadək kosmodrama çatdırılmalıdır.