Bakı. Rufiz Hafizoğlu - Trend:
İstanbulun 3 rayonunda İŞİD terror təşkilatına qarşı xüsusi əməliyyat keçirilib. Trend-in məlumatına görə, əməliyyat çərçivəsində 11 nəfərin saxlanıldığı bildirilir.
Hazırda əməliyyat zamanı polisdən qaçmağa müvəffəq olmuş 2 qadının axtarışları aparılır.
Saxlanılanların kimliyi açıqlanmır.
Qeyd edək ki, noyabrın 5-də Türkiyənin 11 vilayətində İŞİD-ə qarşı aparılmış son əməliyyat çərçivəsində 24 nəfər saxlanılmışdı.