Bakı. Trend:
Türkiyənin taxıl dəhlizi sazişinin yenidən bölüşdürülməsi istiqamətindəki səylərini bütün dünya təqdir edir.
Trend-in TurkicWorld-ə istinadən məlumatına görə, bunu Türkiyə İxracatçılar Məclisinin (TİM) sədri Əhməd Tiryakioğlu bildirib.
"Türkiyə səlahiyyətliləri taxıl dəhlizində tranzit ticarəti çərçivəsində yoxlama rüsumunu öz üzərinə götürsələr, əhəmiyyətli işlər görə bilərlər. Ölkəmiz həm kənd təsərrüfatı istehsal infrastrukturu, həm də diplomatik gücü və təşəbbüsləri ilə ehtiyacı olan ölkələrin qida məhsulundan məhrum olmaması üçün həmişə olduğu kimi əlindən gələni edəcək", - deyə o, qeyd edib.
Tiryakioğlu vurğulayıb ki, taxıl dəhlizinin təcili yenidən bölüşdürülməsi təkcə ölkəsi üçün deyil, bütün dünya üçün vacibdir. Bütün dünya Türkiyənin taxıl dəhlizi sazişinin yenidən bölüşdürülməsi istiqamətindəki səylərini təqdir edir.
"İlin 7 ayının sonunda dənli və paxlalı, yağlı bitkilər və məhsullar sektorunun ixracı əvvəlki ilin eyni dövrü ilə müqayisədə 10,6 faiz artaraq, 6,9 milyard dollar olub. İyun ayında 781 milyon dollar ixrac edən sektorun, iyul ayında isə 1,4 milyard dollarlıq ən çox ixracat edən ölkələr - İraq, ABŞ və İtaliya olub. Ölkədə 85 milyon insana xidmət edən sektorumuz aylıq orta hesabla 1 milyard dollarlıq ixracatını artırmağa davam edəcək”,- deyə TİM sektor şurasının sədri əlavə edib.
Xatırladaq ki, Rusiya prezidentinin mətbuat katibi Dmitri Peskov 17 iyul tarixində Rusiyanın taxıl sazişinə xitam verildiyini bildirmişdi.
Taxıl Dəhlizi Sazişi Rusiya-Ukrayna müharibəsi nəticəsində Ukrayna taxıl gəmilərinin Qara dəniz limanlarından keçə bilməməsi səbəbindən 2022-ci ilin iyul ayında Türkiyə, Rusiya, Ukrayna və Birləşmiş Millətlər Təşkilatı arasında Ankarada imzalanıb.
Saziş çərçivəsində dəhliz vasitəsilə 1 avqust 2022-ci il tarixindən indiyə qədər 1000-dən çox gəmi ilə 33 milyon tona yaxın taxıl daşınıb.