Bakı. Trend:
Almaniyanın keçmiş xarici işlər naziri Annalena Berbok BMT Baş Assambleyasının 80-ci sessiyasının sədri seçildikdən sonra Bundestaqdakı mandatından rəsmi şəkildə imtina edib.
Trend xəbər verir ki, bu barədə “Spiegel” nəşri alman parlamentarilərinə istinadla məlumat yayıb.
Nəşrin məlumatına görə, “Yaşıllar” Partiyasının nümayəndəsi olan siyasətçi iyunun 30-dan etibarən Almaniya parlamentini tərk edəcək. Mandatından imtina qərarı artıq Bundestaqda elan olunub.
Xatırladaq ki, iyunun 2-də Berbok BMT Baş Assambleyasının 80-ci sessiyasının sədri seçilmişdi. Onun namizədliyini 167 ölkə dəstəkləmişdi.