Bakı. Trend:
İtaliyanın "Milan" klubu "Valensiya"nın gənc yarımmüdafiəçisi Xavi Gerra Morenonun transferi üzərində işləyir.
Trend-in məlumatına görə, A Seriyası təmsilçisi 22 yaşlı futbolçu ilə əlaqə saxlayıb və onun transfer dəyərini bonuslarla birlikdə 20 milyon avro olaraq qiymətləndirir. "Valensiya" oyunçu üçün daha yüksək məbləğ tələb edir.
Qeyd edək ki, Gerra ötən La Liqa mövsümündə 36 oyunda iştirak edib, 3 qol vurub və 3 məhsuldar ötürmə ilə yadda qalıb.