...

Müsavat Partiyasının namizədinin imzaları eyni şəxs tərəfindən çəkilib

Seçki 2015 Materials 16 Oktyabr 2015 12:54 (UTC +04:00)
Mərkəzi Seçki Komissiyasının (MSK) bu gün keçirilən iclasında noyabrın 1-nə Milli Məclisə təyin edilmiş seçkilərdə Müsavat Partiyasından deputatlığa namizədliyini irəli sürmüş Salayev Mübarizin müaciətinə baxılıb.
Müsavat Partiyasının namizədinin imzaları eyni şəxs tərəfindən çəkilib

Azərbaycan, Bakı, 16 oktyabr /Trend müxbir Elçin Mehdiyev/

Mərkəzi Seçki Komissiyasının (MSK) bu gün keçirilən iclasında noyabrın 1-nə Milli Məclisə təyin edilmiş seçkilərdə Müsavat Partiyasından deputatlığa namizədliyini irəli sürmüş Salayev Mübarizin müaciətinə baxılıb.

Trend-in məlumatına görə, M.Salayev Dairə Seçki Komissiyasının onun namizədliyini qeydə almaqdan imtina edən qərarı ilə bağlı şikayət edib.

İclasda bildirilib ki, Dairə Seçki Komissiyası M.Salayevin namizədliyini qeydə almamaqda onu əsas gətirib ki, onun namizədliyinin qeydə alınması üçün təqdim edilən 482 imzadan 35 imza etibarsız hesab olunub.

MSK-nın ekspert qrupu tərəfindən aparılan araşdırma zamanı Dairə Seçki Komissiyasının qərarı təsdiqini tapıb. Belə ki, M.Salayevin təqdim etdiyi imzaların 35-i həqiqətən də etibarsız hesab olunub. Həmçinin, M.Salayevin təqdim etdiyi imzalardan bir neçəsinin eyni şəxs tərəfindən çəkilməsi aşkar edilib.

Yerdə qalan imzalar M.Salayevin namizədliyinin qeydə alınması üçün kifayət etmədiyi üçün onun namizədliyi qeydə alınmayıb və Dairə Seçki Komissiyasının qərarı qüvvədə saxlanılıb.

Məqalədə:
Xəbər lenti

Xəbər lenti