Son günlər fəallaşmış Ermənistan silahlı qüvvələri növbəti dəfə Azərbaycanla təmas xəttində atəşkəs rejimini pozublar. Trend in Qarabağ müxbiri xəbər verir ki, Azərbaycanın Ağdam rayonunun işğal altında olan Şıxlar və Orta Qışlaq kəndlərindən təxminən bir saat ərzində Azərbaycan ordusunun qarşıda yerləşən mövqeləri atəşə tutulub. Cavab atəşi ilə düşmən susdurulub. Həlak olan yoxdur.