Azərbaycan 2010-cu ilin bütün sınaqlarından uğurla çıxdı - Prezident Administrasiyasının şöbə müdiri (MÜSAHİBƏ)

Azərbaycan 2010-cu ilin bütün sınaqlarından uğurla çıxdı - Prezident Administrasiyasının şöbə müdiri (MÜSAHİBƏ)

Azərbaycan, Bakı, 21 dekabr /Trend, müxbir E.Hüseynli/

Azərbaycan Respublikası Prezidenti Administrasiyasının İctimai-siyasi məsələlər şöbəsinin müdiri Əli Həsənovun 2010-cu ilin yekunları ilə bağlı Trend-ə müsahibəsi

- Əli müəllim, dövlətin strateji məqsədlərinin həyata keçirilməsi baxımından başa çatmaqda olan 2010-cu ili Azərbaycan üçün əlamətdar hesab etmək olarmı?

- Dövlət müstəqilliyi əldə edildikdən sonra ümummilli lider Heydər Əliyev tərəfindən müəyyənləşdirilmiş strateji prioritetlər uğurla həyata keçirilib və ötən hər il Azərbaycanı öz məqsədlərinə doğru yaxınlaşdırıb. Prezident İlham Əliyevin düşünülmüş, praqmatik siyasi kursunun həyata keçirilməsi nəticəsində Azərbaycan dinamik inkişaf edən, demokratik, sosial-iqtisadi sahədə böyük nailiyyətlər əldə etmiş, yüksək beynəlxalq nüfuza malik ölkəyə çevrilmişdir. Ölkəmiz Cənubi Qafqaz regionunun siyasi və iqtisadi mərkəzi statusunu möhkəmləndirmiş, Avropanın enerji təhlükəsizliyinin təmin edilməsində, qlobal problemlərin həllində və beynəlxalq münasibətlər sistemini tənzimləyən mühüm qərarların qəbulunda ciddi rol oynamağa başlamışdır. 2010-cu ildə Azərbaycanda və ölkəmizlə bağlı dünyada baş vermiş hadisələr, müşahidə olunan proseslər deyilənləri bir daha təsdiq edir.

- Bu il Azərbaycanda parlament seçkiləri keçirildi. Seçkiləri izləyən yerli və xarici müşahidəçilərin qiymətləndirmələri müxtəlif oldu. Sizin fikrinizcə, demokratik standartlara uyğunluq baxımından seçkilər ümidləri doğrultdumu?

- Kimin necə yanaşmasından asılı olmayaraq bu seçkilər demokratik, şəffaf, beynəlxalq standartlara uyğun keçirildi. Avropa Şurası, Avropa Birliyi, ATƏT, MDB, GUAM-ın, digər nüfuzlu təşkilatların nümayəndələri, müstəqil müşahidəçilər seçki komissiyalarının fəaliyyətində, səsvermə prosesi zamanı, səslərin hesablanmasında seçkilərin nəticələrinə təsir göstərə biləcək qanun pozuntularının müşahidə olunmadığını, seçkilərin demokratik keçirildiyini bəyan etdilər.
Ən əsası odur ki, seçkilər əhalinin etimadını qazandı, seçicilər seçki prosesinin bütün mərhələlərindən razı qaldılar. Düzdür, seçkini dəyərləndirən bəzi siyasi qüvvələr radikal müxalifət namizədlərinin parlamentə düşməməsini əsas götürərək nəticələrə şübhə ilə yanaşmağa cəhd edirlər. Lakin etiraf etməliyik ki, bu nəticə son 5 ildə Azərbaycan cəmiyyətindəki ovqatın göstəricisidir. Sürətli sosial-iqtisadi inkişaf, cəmiyyət həyatında demokratiyanın dərinləşməsi ilə şərtlənən pozitiv dəyişikliklər, ictimai şüurun yeniləşməsi cəmiyyətdə yeni münasibətlər modelini formalaşdırıb. İctimai tələbat olmadığına görə, siyasi fəaliyyətdə radikallıq, dağıdıcılıq kimi zərərli meyllər daha müasir mübarizə metodları ilə əvəzlənir. Son illər radikal müxalifətin heç bir aksiyası sosial dəstək qazanmayıb, cəmiyyət heç bir radikal çağırışa reaksiya verməyib. Azərbaycan ictimaiyyətində formalaşmış "radikalizmə yer yoxdur" fikri seçkinin nəticələrinə təsir göstərməyə bilməzdi. Aparıcı sosioloqlar, politoloqlar Azərbaycan cəmiyyətindəki ovqatın keçirilən seçkilərin nəticələri ilə üst-üstə düşdüyü qənaətindədirlər. Seçki bir daha açıq nümayiş etdirdi ki, Azərbaycan cəmiyyətində radikalizm bir mərhələ kimi öz yerini konstruktivliyə, qlobal düşüncəyə, praqmatik fəaliyyətə verməkdədir. Gözləyirik ki, gələcəkdə siyasi partiyalar bu seçkinin nəticələrindən düzgün nəticə çıxaracaqlar, öz fəaliyyət prinsiplərinə, cəmiyyətdə tutduqları mövqeyə yenidən baxacaqlar.

- Ümumdünya iqtisadi böhrandan sonra təbii fəlakətlər bir çox ölkələrin iqtisadiyyatı üçün ciddi sınaq oldu, sosial və siyasi kataklizmlərə yol açdı. Azərbaycan bu sınaqdan necə çıxdı?

- Məlum olduğu kimi, 2010-cu il planetimizdə həm də təbiətin şıltaqlığı ilə yadda qaldı. Təbii fəlakətlə üzləşmiş bir sıra ölkələr yalnız beynəlxalq birliyin köməyi nəticəsində vurulan zərəri minimallaşdıra və çətin vəziyyətdən çıxa bildilər.
Bu il Kür və Araz çaylarının daşması nəticəsində ölkəmizdə minlərlə hektar torpaq su altında qaldı, 3500 yaşayış evi dağıldı və yaxud qəzalı vəziyyətə düşdü, çoxsaylı sosial obyekt uçdu. Prezident İlham Əliyev bununla bağlı dövlət qurumlarının nümayəndələri ilə təcili müşavirə keçirdi, sonra özü fəlakət zonasına səfər etdi, yerdə vəziyyətlə tanış oldu və təxirəsalınmaz tədbirlər barədə göstərişlər verdi. Daşqından əziyyət çəkmiş insanlar müvəqqəti yaşayış yerləri, ərzaq, tibbi xidmətlə təmin edildi, təhsil, rabitə və digər məsələlər operativ şəkildə öz həllini tapdı, bəndsalma və sahilbərkitmə tədbirləri görüldü, insan tələfatının qarşısı alındı. Sonrakı mərhələdə təbii fəlakətdən əziyyət çəkmiş insanlara kompensasiyalar verildi, evləri uçmuş və ya qəzalı vəziyyətə düşmüş ailələr üçün müasir mənzillər tikilir. Eyni zamanda, gələcəkdə belə fəsadlara yol verilməməsi üçün müvafiq tədbirlərin həyata keçirilməsinə başlandı.
Təbii fəlakət sübut etdi ki, Azərbaycan dövləti artıq ən böyük problemləri, təbii fəlakətləri belə aradan qaldırmaq iqtidarındadır. Dövlət orqanları vahid komanda şəklində çalışaraq qarşılarında duran vəzifələri məsuliyyətlə yerinə yetirdilər, onların fəaliyyəti yüksək səviyyədə koordinasiya olundu. Ölkəmizin iqtisadi qüdrəti, maliyyə imkanları belə çətinlikləri təkbaşına, xarici ölkələrə müraciət etmədən həll etməyə imkan verir. Əksinə, ölkəmizin müvafiq orqanları digər ölkələrdə təbii fəlakətlərin aradan qaldırılmasında, məsələn, Rusiya və İsraildəki meşə yanğınlarının söndürülməsində fəal iştirak etdilər. Azərbaycan bu il də təbii fəlakətlərdən əziyyət çəkən ayrı-ayrı ölkələrə yardım ayırdı.

- Əli müəllim, sosial-iqtisadi məsələlərdən danışarkən daha hansı vacib məqamları qeyd etmək istərdiniz?

- İlk növbədə qeyd etmək istərdim ki, əvvəlki illərdə olduğu kimi, 2010-cu ildə də ölkə iqtisadiyyatında dinamik iqtisadi inkişaf müşahidə olundu, əhalinin rifahının yüksəldilməsi istiqamətində ardıcıl tədbirlər davam etdirildi. 9 ayın yekunlarına görə, Azərbaycan iqtisadiyyatı 4.1 faiz, əhalinin pul gəlirləri 11 faiz artıb və inflyasiyanın səviyyəsini 2 dəfə üstələyib. Azərbaycanın valyuta ehtiyatları 30 milyard dollara yaxınlaşıb.
Ölkədə infrastruktur layihələrin icrası davam etdirilir, yollar salınır, su kəmərləri, elektrik xətləri yenilənir, müasir nəhəng obyektlərin təməlqoyma mərasimi keçirilib. Məsələn, bu ilin noyabrında yeni Beynəlxalq Dəniz Ticarət Limanının əsası qoyuldu. Bu obyektin istifadəyə verilməsi nəticəsində Bakı Xəzər hövzəsində müasir və böyük logistika, nəqliyyat mərkəzinə çevriləcək, Şimal-Cənub və Şərq-Qərb nəqliyyat dəhlizlərinin tam gücü ilə işləməsinə şərait yaradılacaq.
Sosial layihələrin icrası uğurla davam etdirilir. Bu il bütün sahələr üzrə əmək haqları, təqaüdlər, digər ödənişlər artırıldı. 128 min ailə hər ay dövlətdən ünvanlı sosial yardım alır. Bütün ölkədə quruculuq, abadlıq işləri görülür, şəhər, kənd və qəsəbələrimiz abadlaşdırılır, məktəblər, səhiyyə müəssisələri, idman kompleksləri tikilir.
2010-cu il karbohidrogen ehtiyatların hasilatı və ixracı sahəsində mühüm addımlar atıldı. Artıq Azərbaycan təkcə Cənubi Qafqaz regionunun deyil, həmçinin Avropanın enerji bazarının potensial təchizatçılarından biri kimi qiymətləndirilir. Sentyabrda Azərbaycan, Gürcüstan, Rumıniya prezidentləri və Macarıstanın baş nazirinin iştirakı ilə enerji sammiti keçirildi və AGRİ layihəsinə dair Bakı Bəyannaməsi imzalandı. Mütəxəssislərin fikrincə, bu layihə regional miqyasda yeni vəziyyət yaradacaq, regionumuzda və Avropada mühüm enerji və qaz layihələri arasında öz yerini tutacaq.
2010-cu ildə Azərbaycanda 50 milyon tondan çox neft və 28 milyard kubmetrdən artıq qaz hasil edilməsi gözlənilir. Bu il ARDNŞ tərəfindən "Ümid" layihəsi uğurla başa çatdırıldı və Azərbaycan daha bir məhsuldar qaz yatağı əldə etdi. Yaxın illərdə "Şahdəniz" layihəsinin ikinci fazası işə salındıqdan sonra Azərbaycan Avropa bazarını təbii yanacaqla təmin edən əsas ölkələrdən birinə çevriləcək.
Təsadüfi deyil ki, Azərbaycanın hərtərəfli inkişafı, mötəbər beynəlxalq qurumların diqqətindən kənarda qalmadı. Dünya İqtisadi Forumunun hesabatına görə, Azərbaycan iqtisadiyyatı rəqabət qabiliyyətliliyinə görə MDB məkanında birinci yerdə qərarlaşdı. BMT-nin insan inkişafına dair son hesabatında Azərbaycan 2005-ci illə müqayisədə 101-ci yerdən 67-ci yerə yüksəldi və postsovet məkanı ölkələri arasında insan inkişafı indeksinə görə ən yüksək göstəriciyə malik oldu.

- Əli müəllim, bu il Dağlıq Qarabağ münaqişəsinin həlli ilə bağlı ciddi irəliləyiş olacağına böyük ümidlər var idi. Lakin Ermənistan ATƏT-in Minsk qrupunun səylərini, davamlı danışıqlar prosesinin praktiki nəticələrini qəbul etməkdən boyun qaçırdı. ATƏT-in Astana sammiti ərəfəsində də müəyyən nikbin proqnozlar verilirdi, lakin hər hansı irəliləyiş olmadı. Bundan sonra münaqişənin həlli ilə bağlı gözləntiləriniz nədir və Azərbaycan hansı addımları atmağı planlaşdırır?

- Keçən illərdə olduğu kimi, 2010-cu ildə həyata keçirilən danışıqlar bir daha göstərir ki, Ermənistan-Azərbaycan, Dağlıq Qarabağ münaqişəsinin həll edilməməsinin əsas səbəbi Ermənistanın qeyri-konstruktiv mövqeyi, rəsmi Yerevanın münaqişənin həllini istəməməsidir. Danışıqlar prosesinin müxtəlif mərhələlərində dövlət başçısını istefaya göndərməklə, parlamenti gülləbaran etməklə, müxtəlif absurd bəhanələr ortaya atmaqla Ermənistan mövcud status-kvonu qoruyub saxlamaq istəyir. ATƏT-in Astana sammitindən öncə artıq məlum idi ki, Ermənistan qeyri-konstruktiv mövqedən çəkinməyəcək və buna görə də zirvə toplantısı Azərbaycan üçün bir daha öz mövqeyini beynəlxalq ictimaiyyətin diqqətinə çatdırmaq, rəsmi Yerevanın əsl simasını ifşa etmək üçün vasitə idi.
Ermənistanın qarşısında bir perspektiv var - ya bundan sonra da işğalçılıq siyasəti yeritməklə və beynəlxalq normaları pozmaqla özünü daha da küncə sıxmalı, ya da Azərbaycanla və digər ölkələrlə normal münasibətlər yaratmalı, ərazi iddialarından imtina etməlidir. 2009-cu ildə bəzi dövlətlərin dəstəyi ilə Ermənistan-Türkiyə yaxınlaşması istiqamətində həyata keçirilən tədbirlərin, Sürix razılaşmasının iflası hamını əmin etdi ki, Azərbaycan müstəqil siyasət yürüdən güclü dövlətdir, regional proseslərə həlledici təsir imkanlarına malikdir, onun maraqları nəzərə alınmadan bölgədə hər hansı beynəlxalq təşəbbüsün, dövlətlərarası layihələrin həyata keçirilməsi mümkün deyil.
Münaqişə həll olunmayanadək Ermənistan heç bir regional əməkdaşlıq layihələrinə, iqtisadi inteqrasiyaya cəlb olunmayacaq. Reallıq ondan ibarətdir ki, bu gün Azərbaycan güclənən, dinamik inkişaf edən, öz resurslarına arxalanan ölkədir. Ermənistan isə transmilli kommunikasiyalardan kənarda qalıb, başqa ölkələrin və dairələrin humanitar ianəsi ilə güclə dolanır. Bu gün Azərbaycanın hərbi büdcəsi 3.1 milyard dollar, Ermənistanın dövlət büdcəsi isə 2.36 milyard dollar təşkil edir. Zənnimcə, bu müqayisə artıq hər şeyi açıq şəkildə göstərir.

- Xəzəryanı ölkələrinin dövlət başçılarının Bakıda keçirilən zirvə görüşünü necə qiymətləndirirsiniz ?

- 1994-cü ildə "Əsrin müqaviləsi" imzalanandan sonra Xəzər hövzəsi ölkələri arasında Azərbaycanın mövqeyi ilbəil güclənir. Ümummilli lider Heydər Əliyevin həyata keçirdiyi neft strategiyası Xəzər ölkələri arasında Azərbaycanı dinamik inkişafa yönəltdi və onun nəinki regionda, eləcə də dünyada geosiyasi, geoiqtisadi və hərbi-geostrateji əhəmiyyətini artırdı. Azərbaycan Xəzər hövzəsində Şərqlə Qərbi birləşdirən transmilli layihələrin təşəbbüskarı olub, onların mərkəzində durur və əsas hərəkətverici qüvvəsi rolunda çıxış edir.
Bütün bunları nəzərə alaraq qeyd etməliyik ki, Xəzəryanı ölkələrin dövlət başçılarının üçüncü sammitinin Bakıda keçirilməsi təsadüfi xarakter daşımayıb və Azərbaycanın dəyərinin göstəricisi kimi qəbul edilməlidir. Azərbaycanın iştirakı və rəyi olmadan bölgədə heç bir geosiyasi, geoiqtisadi enerji, nəqliyyat və bu tipli digər layihələr reallaşdırıla bilməz. Sammit bilavasitə göstərdi ki, bəzi məsələlərdə, xüsusilə Xəzərin statusu məsələsində Azərbaycanın mövqeyi həlledicidir.

- Azərbaycanda qeyri-hökumət təşkilatlarının, söz və məlumat azadlığının inkişaf etdirilməsi ilə bağlı vəziyyət barədə fikirləriniz maraqlı olardı. Sizcə 2010-cu ildə bu sahədə həyata keçirilmiş tədbirləri qənaətbəxş hesab etmək olarmı?

- Azərbaycanda söz və məlumat azadlığının, kütləvi informasiya vasitələrinin və qeyri-hökumət sektorunun inkişaf etdirilməsi həmişə aktual və prioritet məsələlər olub və dövlət bu sahədə üzərinə düşən vəzifələri məsuliyyətlə yerinə yetirib. Azərbaycan Respublikasının Prezidenti yanında Qeyri Hökumət Təşkilatlarına Dövlət Dəstəyi Şurası yarandıqdan sonra qeyri-hökumət təşkilatlarının fəaliyyətinin müasir dövrün tələblərinə uyğunlaşdırması, onların cəmiyyət həyatında rolunun yüksəldilməsi, vətəndaş təşəbbüsünün artırılması istiqamətində ardıcıl tədbirlər həyata keçirilməyə başladı. 2011-ci ili də nəzərə alsaq QHT layihələrinin maliyyələşdirilməsi üçün dövlət büdcəsindən Şuraya 10 milyon manata yaxın vəsait ayrılıb. Bu gün yüzlərlə QHT Şura ilə əməkdaşlıq şəraitində müxtəlif layihələr həyata keçirir, dövlət və cəmiyyət üçün prioritet məsələlərin həllində fəal iştirak edir.
Kütləvi informasiya vasitələrinin fəaliyyətinin təkmilləşdirilməsi, söz və məlumat azadlığının inkişaf etdirilməsi istiqamətində ardıcıl tədbirlər görülür. 2009-cu ildə yaradılmış Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu mətbuat orqanları informasiya agentlikləri ilə yaxından əməkdaşlıq edir, onların layihələrini maliyyələşdirir, jurnalist müsabiqələri keçirir.
2010-cu ildə "Azərbaycan milli mətbuatının 135 illik yubileyinin keçirilməsi haqqında" Azərbaycan Respublikası Prezidentinin Sərəncamı imzalandı, ölkə səviyyəsində konfranslar, dəyirmi masalar, digər tədbirlər keçirildi. İyulun 22-də Prezident İlham Əliyev Mətbuat Şurasının yeni binasının açılışında iştirak etdi, Şura üzvləri ilə görüşdü. Həmçinin, Prezidentin sərəncamları ilə 92 jurnalist dövlət mükafatlarına və fəxri adlara layiq görüldü, 32 qəzetin hər birinə 20 min manat, 8 informasiya agentliyinə isə ayrı-ayrılıqda 10 min manat birdəfəlik maliyyə yardımı ayrıldı. Eyni zamanda, dövlət başçısının sərəncamı ilə jurnalistlərin sosial müdafiəsinin gücləndirilməsi və onların mənzil-məişət şəraitinin yaxşılaşdırılması üçün Prezidentin Ehtiyat Fondundan 5 milyon manat vəsait ayrıldı.
Dövlətin informasiya siyasətinin əsas məqsədi cəmiyyətin obyektiv məlumatlandırılması funksiyasını effektiv yerinə yetirə bilməsi üçün kütləvi informasiya vasitələrinə zəruri şərait yaratmaqdır. Azərbaycan dövləti bundan sonra da söz və məlumat azadlığının, KİV-lərin müstəqilliyinin inkişaf etdirilməsi, onların maddi-texniki bazasının gücləndirilməsi üçün üzərinə düşən vəzifələri yerinə yetirməkdə israrlıdır.

- Əli müəllim, 2010-cu il daha hansı əlamətdar hadisələrlə yadda qaldı?

- Bu ilin aprelində Ümumdünya Dini Liderlərin Bakı Sammiti keçirildi. Bu tədbir bir daha təsdiq etdi ki, ölkəmiz dünya miqyasında dinlərarası dialoqun təşkil olunmasında və inkişafında mühüm rol oynamağa başlayıb.
Digər mühüm əhəmiyyətə malik hadisə kimi sentyabrda Türkiyə ilə Azərbaycan arasında Yüksək Səviyyəli Strateji Əməkdaşlıq Şurasının qurulması haqqında Birgə Bəyannamənin imzalanmasını göstərmək olar. Türkiyə və Azərbaycan xalqları arasında dostluq, qardaşlıq münasibətlərini zənginləşdirmək, yeni səviyyəyə qaldırmaq hər iki dövlət rəhbərliyinin istəyi və qarşılarında duran vəzifədir.
Əlbəttə, bu və sadalamadığım digər tədbirlər beynəlxalq və dövlətlərarası münasibətlərdə Azərbaycanın artan nüfuzunun göstəriciləridir. Əminəm ki, qarşıdan gələn illərdə uğurlarımızın sayı artacaq, Azərbaycan həm regionda lider statusunu möhkəmləndirəcək, həm də qlobal siyasi, iqtisadi, humanitar və digər proseslərə ölkəmizin təsir imkanları artacaq.

Yelo Bankın biznes kreditlərinin həcmi 18% artıb
Yelo Bankın biznes kreditlərinin həcmi 18% artıb
Yanvarın 28-də xarici valyutaların manata qarşı məzənnələri
Yanvarın 28-də xarici valyutaların manata qarşı məzənnələri
"Apple" və "Facebook"un gəlirləri açıqlandı
"Apple" və "Facebook"un gəlirləri açıqlandı
Loading Bars
Xəbər lenti
Bakı-Sumqayıt yolunda təmir işlərinin 1-ci hissəsi yekunlaşır (FOTO)
Sıxlığın həlli üçün çəkilən avtobus zolaqları özü sıxlıq yaradır - Nəzarət gücləndirilməlidir (FOTO)
Son bir ildə əmək qanunvericiliyinin pozulması ilə bağlı 1000-ə yaxın fakt aşkarlanıb
Kafe və restoranlar həftəsonları da işləyəcək - RƏSMİ
Saray qəsəbəsində silsilə oğurluqlar edən keçmiş məhkum saxlanılıb (FOTO/VİDEO)
Rusiya aviaşirkəti Azərbaycana müntəzəm reysləri dayandıracaq
Azərbaycan üçün müharibə veteranlarına, şəhid ailələrinə dəstək prioritetdir - "Azernews" qəzeti
Qarabağ qazisindən əlilliyə görə rüşvət alan şirkət müdirinin məhkəməsi başlayır
Yelo Bankın biznes kreditlərinin həcmi 18% artıb
Kəlbəcərin Alıbəyli kəndi (FOTO/VİDEO)
Dövlətə xəyanətdə təqsirləndirilən iki nəfərin məhkəməsi başlayır
Yeni qaz sayğacları artıq sərfiyyat hesablayır? - “Azəriqaz”ın Baş direktoru sualları cavablandırdı (MÜSAHİBƏ)
Türkiyə ilə Azərbaycan arasında viza ilə bağlı yeni sənəd təsdiq ediləcək
Kadr islahatları ölkəmizin davamlı və dayanıqlı inkişafını təmin edir - Deputat
Ötən gün cinayət törədən 47 nəfər saxlanılıb
Dilçilik İnstitutundakı "Qaynar xətt" bugündən fəaliyyətini davam etdirəcək
Bakı-Sumqayıt qatarı kontakt şəbəkəsi yeniləndikdən sonra işləyəcək (FOTO)
Ermənistanda ərzaq qıtlığı yaranır: Postmüharibə dövründə dərin iqtisadi böhran - TƏHLİL
Beynəlxalq "Art Moscow Online" forumu keçiriləcək
Parlamentin Hesablayıcı komissiyası yenidən təşkil ediləcək
Yanvarın 28-də xarici valyutaların manata qarşı məzənnələri
Azərbaycanda ödəniş və xidmətlərin rəqəmsallaşması prosesi sürətlənib
Samux sakinindən narkotik aşkar edilib
"Apple" və "Facebook"un gəlirləri açıqlandı
Norveç koronavirusa görə sərhədlərini bağlayacaq
ABŞ BƏƏ və Səudiyyə Ərəbistanına silah satışını dayandırır
Yeni Zelandiyada zəlzələ baş verib
Şimali Makedoniyada koronavirusun "Britaniya ştammı" aşkarlanıb
UEFA Avropa çempionatını 12 şəhərdə keçirmə qərarını təsdiqlədi
Goranboy və Qazaxda mərmilər, qumbaralar və minlərlə patron aşkarlanıb (FOTO)
"Yuventus" futbol üzrə İtaliya Kubokunun yarımfinalına çıxdı
"Barselona" İspaniya Kubokunun 1/4 finalına yüksəldi
ABŞ-Çin münasibətləri getdikcə gərginləşir
Səudiyyə Ərəbistanının addımları Yəməndə humanitar böhrana səbəb oldu - ABŞ dövlət katibi
ÜST: Dünyada koronavirusa yoluxanların sayı 468 mindən çox artıb
"Atalanta" futbol üzrə İtaliya Kubokunun yarımfinalına qalxdı
FED uçot dərəcəsini 0-0,25 faiz səviyyəsində saxlayıb
Biz hamımız, bütün xalqımız Şuşanı dirçəldəcəyik! - Prezident növbəti tapşırıqlarını verdi
Ərdoğan İlon Mask ilə telefon danışığı aparıb
Türkiyədə son sutkada koronavirusdan 8 803 nəfər sağalıb
Beynəlxalq Olimpiya Komitəsinin prezident seçkiləri videokonfrans formatında keçiriləcək
Abşeronda ikimərtəbəli ev yanıb
Gənclik strateji təfəkkür və yanaşma tələb edir - TƏHLİL
Azərbaycanın Türkiyəyə qaz ixracı 23 faizdən çox artıb
Ermənilər Qubadlının Saray kənd qəbiristanlığını belə dağıdıb (FOTO)
"SOCAR Construction" Mozır neft emalı zavodundan işlərin icrası barədə
Azərbaycanda yeni xalça fabriki fəaliyyətə başlayacaq
Füzuli və Ağdamda dağıntılar aradan qaldırılır: Vətəndaşlara yeni evlər tikilir - Trend TV-nin REPORTAJI
Məsut Özil: Azərbaycana salam göndərir və təşəkkürümü bildirirəm (VİDEO)
“Silk Way West Airlines” Yaponiyanın Narita şəhərinə ilk reysini edəcək
Sumqayıt Kimya Sənaye Parkında istehsal artıb
Dövlət Neft Şirkəti yeni inkişaf dövrünə qədəm qoyacaq - Mikayıl Cabbarov
Yaponiyanın səfiri ASAN xidmətdə (FOTO)
Rusiya, Azərbaycan və Ermənistan işçi qrupunun iclası yaxın zamanda keçirilə bilər - Rusiya XİN
Prezident İlham Əliyev Portuqaliyanın yenidən seçilən prezidentini təbrik edib
Füzuli rayonunun Xələfşə kəndi (FOTO/VİDEO)
Polis ticarət obyektlərinə nəzarəti gücləndirdi (FOTO/VİDEO)
Hava şəraiti ilə bağlı XƏBƏRDARLIQ
Mədəniyyət naziri Fransanın Avropa və Xarici İşlər Nazirliyinin dövlət katibi ilə görüşüb (FOTO)
Yanvarın 28-nə USD/AZN rəsmi məzənnəsi
Qarabağın mövcud imkanları ilə regionda yeni inkişaf zonası yaranacaq - Könül Nurullayeva
Erməni təcavüzü nəticəsində Gəncədə dağılan evlər bərpa olunur (FOTO)
Konstitusiya Məhkəməsinə yeni hakim təyin olunacaq
QHT-lərə elektron xidmətlərin göstərilməsi ilə bağlı fərmanda DƏYİŞİKLİK edildi
Azərbaycanda tikinti ilə bağlı yeni tələbin qüvvəyə minmə vaxtı daha üç il uzadılır
Qarabağla bağlı üçtərəfli bəyanat ardıcıl şəkildə icra olunur - Putin
Ağsuda 305 tibb işçisi koronavirusa qarşı peyvənd olunub
Goranboyda silah-sursat tapılıb (FOTO)
Şəhid ailələrinə, müharibə əlillərinə və qazilərə dövlət qayğısı ən yüksək səviyyədədir - Cəlil Xəlilov
Azərbaycan qarşıdakı illərdə də İKT sahəsində daha böyük uğurlara imza atacaq - Vüqar Rəhimzadə
Qənirə Paşayeva 70 illik yubileyi münasibəti ilə Kamal Abdullanı təbrik edib (FOTO)
XİN-in sabiq əməkdaşlarının ev dustaqlığı müddəti uzadıldı
Beynəlxalq ictimaiyyət Dağlıq Qarabağa humanitar yardım göstərməlidir - Putin
ASCO şəhid olan əməkdaşların ailə üzvlərinə hər ay 250 manat ödəyəcək
DİM doktoranturaya yeni qəbul şərtlərini açıqladı
ABŞ şirkətləri işğaldan azad edilmiş ərazilərin bərpasına hazırdır - Səfir (FOTO)
Azərbaycanda 601 nəfər COVID-19-dan sağalıb, 226 nəfər yoluxub, 5 nəfər vəfat edib
Ceyhun Bayramov və ATƏT-in Minsk Qrupunun fransalı həmsədri arasında telefon danışığı olub
ABŞ-ın sabiq vitse-prezidenti evsiz qalıb
Türkiyə Azərbaycanın yanında olmasına sərt reaksiya verən dövlətlərə məhəl qoymadı - Burhanəddin Duran
Dünya Ekoloji Təhsil Gününə həsr olunmuş vebinar keçirilib (FOTO)
Kapital Bank Hadrutda bankomat və ödəniş terminalı quraşdırdı!
"Qarabağ Şəhidləri və Qarabağ Zəfəri" adlı şeir müsabiqəsi keçiriləcək
Axtarışda olan iki nəfər Rusiyadan Azərbaycana ekstradisiya edildi
Ermənistan da Türkiyə-Azərbaycan əməkdaşlığından istifadə edə bilər - Hikmət Hacıyev
“Dostluq” yatağının birgə işlənilməsi ilə bağlı anlaşmanın olması Transxəzər boru kəmərinin tikintisini yenidən gündəmə gətirir - AMEA
Daha iki qazi ailəsi ilə bağlı dəstək işləri aparılır (FOTO)
Türkiyə ilə hərbi-texniki əməkdaşlığın Vətən müharibəsində uğurlu nəticəsini gördük - PA rəsmisi
Türkiyə regionda əldə olunmuş kövrək sülhün davamlı sülhə çevrilməsində mühüm rol oynamalıdır - Hikmət Hacıyev
Tərtərdə ermənilərin dağıtdığı evlər bərpa olunur - Trend TV-nin REPORTAJI
Azərbaycan ilə Türkiyə arasındakı əlaqələr əbədidir - Hikmət Hacıyev
VI "Florida Keys" beynəlxalq musiqi müsabiqəsi açıq elan olunub (FOTO)
Ötən il “ASAN Login” istifadəçilərinin sayı 1 milyon 741 min nəfər olub (FOTO)
Ombudsman Metsamor AES-in bütün bölgə üçün potensial təhlükəsi barədə bəyanat yayıb
Vergi Məcəlləsinə təklif olunan dəyişikliklər parlamentin plenar iclasına tövsiyə olundu
Karantin dövründə 1 milyon 270 mindən çox vətəndaşın fəaliyyətinə icazə verilib
Xarici və yerli investorların Azərbaycanın elektroenergetika sahəsinə marağı artır
Dövlət Turizm Agentliyi hotellərə XƏBƏRDARLIQ etdi
Baş Prokurorluğun əməkdaşları seminarda iştirak edib (FOTO)
Ceyhun Bayramovun türkiyəli həmkarı ilə telefon danışığı olub
Bütün xəbərlər