Azərbaycan, Bakı, 25 fevral /Trend/
Ermənistan Milli Konqresinin parlament fraksiyası bu gün bəyan edib ki, prezident seçkilərinin elan edilən nəticələri həqiqətəuyğun deyil.
Trend-in bazar ertəsi Ermənistan KİV-ə istinadən verdiyi məlumata görə, yayılan bəyanatda qeyd olunur ki, hakimiyyət seçkilər zamanı nəticələri saxtalaşdırmaq üçün bütün potensialından istifadə edib.
"Hazırda xalqın yalnız bir əsas vəzifəsi var - ölkədə konstitusiya quruluşunu bərpa etmək və rejim tərəfindən səslərin mənimsənilməsinə imkan verməmək", - bəyanatda deyilir.
Parlament fraksiyası bu gün keçirilən Milli Yığıncağın iclasında xalqa dəstək məqsədilə iştirak etməyəcək.