Bakı. Elçin Mehdiyev – Trend:
Bu gün Azərbaycanda bir milyondan çox qeyri-leqal fəaliyyətlə məşğul olan şəxs var və həmin insanların sığortaya cəlb olunması gözlənilir.
Trend-in məlumatına görə, bunu Milli Məclisin Əmək və sosial siyasət komitəsinin sədri Hadı Rəcəbli komitənin bu gün keçirilən iclasında deyib.
O qeyd edib ki, qeyri-leqal məşğulluğun azaldılması istiqamətində sahibkarlar üçün sığorta faizinin aşağı salınması gözlənilir. H.Rəcəblinin sözlərinə görə, vergi tətbiqolunmasında, sığortaların alınmasında köklü islahatların aparılması gözlənilir.