...

Azərbaycanda magistraturaya qəbul olmaq istəyənlər üçün proqram seçiminin vaxtı başa çatıb

Cəmiyyət Materials 6 May 2014 17:45 (UTC +04:00)
Azərbaycan ali təhsil müəssisələrinin magistratura səviyyəsinə keçirilən qəbul imtahanının ikinci mərhələsində iştirak etmək üçün proqram seçiminin vaxtı başa çatıb.
Azərbaycanda magistraturaya qəbul olmaq istəyənlər üçün proqram seçiminin vaxtı başa çatıb

Trend-i buradan izləyin

Azərbaycan, Bakı, 6 may /Trend, müxbir İ.İsabalayeva/

Azərbaycan ali təhsil müəssisələrinin magistratura səviyyəsinə keçirilən qəbul imtahanının ikinci mərhələsində iştirak etmək üçün proqram seçiminin vaxtı başa çatıb.

Tələbə Qəbulu üzrə Dövlət Komissiyasından Trend-ə verilən məlumata görə, ilkin statistik məlumatlara əsasən, 9780 bakalavr proqram seçimində iştirak edib. Həmin bakalavrlar 2014-cü il mayın 22-dən 25-dək öz elektron ərizələrinə daxil olaraq magistratura səviyyəsinə qəbul imtahanının ikinci mərhələsi üçün "Bakalavrın imtahana buraxılış vərəqəsi"ni çap edib götürməlidirlər.

Qəbul imtahanının ikinci mərhələsi 2014-cü il mayın 25-də Bakı, Naxçıvan və Gəncə şəhərlərində keçiriləcək.

Qeyd edək ki, ali təhsil müəssisələrinin magistraturalarına qəbul imtahanının ikinci mərhələsinə onun 2 mart 2014-cü il tarixində keçirilmiş birinci mərhələsinin nəticələrinə əsasən proqram seçimində iştirak etmək hüququ qazanmış bakalavrlar buraxılırlar.

2014-2015-ci tədris ili üzrə magistraturaya yalnız əyani təhsil 0alma forması üzrə plan yerləri verilib. Plan yerlərinin sayı 6565-dir. Onlardan dövlət sifarişi üzrə olanların sayı 2547-dir.

Məqalədə:
Xəbər lenti

Xəbər lenti