...

ADPU-nun tələbə və əməkdaşları qardaş ölkəyə dəstəyini davam etdirir

Cəmiyyət Materials 8 Fevral 2023 18:03 (UTC +04:00)
ADPU-nun tələbə və əməkdaşları qardaş ölkəyə dəstəyini davam etdirir

Bakı. Trend:

Fevralın 6-da qardaş Türkiyə Respublikasında baş vermiş dəhşətli zəlzələ nəticəsində 7 mindən çox insan həlak olmuş, on minlərlə insan yaralanmış, minlərlə bina və evlər dağılmışdır.

Qardaş ölkənin 10 vilayətində yaranan fövqəladə vəziyyətin böyüklüyünü və kəskin hava şəraitini nəzərə alaraq, Azərbaycan Dövlət Pedaqoji Universiteti (ADPU) də zəlzələdən zərər çəkənlərə humanitar yardım məqsədi ilə tələbə və əməkdaşları arasında yardım kampaniyasına start verib.

Kampaniyaya çərçivəsində fevralın 8-dən etibarən ADPU-nun tələbə və əməkdaşları universitetin Bakı şəhərində yerləşən tədris binalarına yaxınlaşaraq qardaş türk xalqına yardım üçün zəruri ləvazimatları təhvil verməyə başlayıblar.

Qeyd edək ki, Türkiyənin Azərbaycandakı Səfirliyinin məlumatına əsasən, bütün yaşlardan olan zərərçəkənlərin əsasən qış paltarlarına - gödəkçə, şalvar, əlcək, corab, ayaqqabıya ehtiyacları var. Bundan başqa, çətin vəziyyətdə olan insanlara çadır, yataq, yorğan, odeyal, döşək, standart qızdırıcı cihazlar, əl fənəri, generator, poverbank, təmizlik alətləri, gigiyenik vasitələr, uşaq ləvazimatları və s. lazımdır.

Məqalədə:
Xəbər lenti

Xəbər lenti