Azərbaycan, Bakı, 25 avqust / "TrendLife" , müxbir Şahin Cavadsoy/ Müğənni Ziyafət Yaqubova son zamanlar sənət aləmində baş verənlərdən narazıdır. Onun fikrincə, telekanallar əsl musiqini yayımlamaq istəmirlər: "Əfsuslar olsun ki, sənət naminə ifa edilən mahnılar bu gün yaşadılmır. Günahı mən özəl telekanallarımızda ğörürəm. Dəyərli musiqiyə xalqımız həmişə qiymət verib. Hamı bilir ki, indi hər bir iş ödənişlidir. Ona görə də ancaq "day-day"lı müğənnilər efirdə at oynatmağa başlayıb. Bizim kimi sənətçilər isə hələ də maneələr keçir. Niyə mən efirə çıxmaq üçün kimlərəsə ağız açmalıyam? Ziyafət Yaqubova heç kimin sevgilisi olmaq istəmir!" Söhbət əsnasında Ziyafət xanım "Səbuhi" studiyasından da gileyləndi: "İlk disk albomuma görə "Səbuhi" studiyası məndən pul aldı. Studiyada əyləşən əməkdaşlar mənə bildirdilər ki, sənin mahnıların sənət üçündür. Bizdə isə bazar mahnıları "xod" gedir. Məgər sənin belə mahnıların yoxdur? deyə soruşdular. Elə ona görə də buraxdığım ilk albom heç bir yerdə reklam olunmadı".
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
