...

ABŞ idmançısı: Bakıdakı Milli Gimnastika Arenası möhtəşəmdir

İdman Materials 2 Noyabr 2018 20:56 (UTC +04:00)
Batutla tullanma üzrə ABŞ gimnastlarından ibarət komanda Bakıda Milli Gimnastika Arenasının köməkçi zalında təlim-məşq toplanışları keçirirlər.
ABŞ idmançısı: Bakıdakı Milli Gimnastika Arenası möhtəşəmdir

Bakı. Ləman Zeynalova, Cani Babayeva - Trend:

Batutla tullanma üzrə ABŞ gimnastlarından ibarət komanda Bakıda Milli Gimnastika Arenasının köməkçi zalında təlim-məşq toplanışları keçirirlər.

Komandanın üzvü Tristan Van Natta Trend-ə deyib ki, Milli Gimnastika Arenasında yaradılmış şəraitdən məmnundur:

"Bakıdakı Milli Gimnastika Arenası möhtəşəmdir. ABŞ-da da bu cür gözəl və rahat zalların daha çox olmasını istərdim. Belə bir zalda təlim-məşq toplanışını keçirmək çox xoşdur, burada bizim üçün lazım olan bütün şərait yaradılıb".

Tristan Van Natta vurğulayıb ki, təlim səmərəli keçir və ümid edir ki, noyabr ayında Sankt-Peterburqda keçiriləcək batut üzrə dünya çempionatında amerikalı gimnastlar yaxşı nəticə göstərəcəklər:

"Çempionat ərəfəsində çox həyəcanlıyam. Bunun üçün ilboyu hazırlaşmışıq və yaxşı nəticə göstərəcəyimizə ümid edirəm".

Gimnast həmçinin komanda üzvlərinin şəhərdə gəzintiyə çıxdıqlarını və hər kəsin Bakının gözəlliyindən heyran olduğunu söyləyib.

Məqalədə:
Xəbər lenti

Xəbər lenti