Bakı. Trend:
İspaniyanın Pontevedra şəhərində keçirilən güləş üzrə U-20 dünya çempionatının 3-cü günündə qadın güləşçilər mübarizəyə başlayıb.
Trend İdman.biz-ə istinadən xəbər verir ki, 3 çəkidə pəhləvanlar həlledici görüşə vəsiqə qazanmaq uğrunda xalça üzərinə çıxıblar.
Azərbaycan millisinin 3 güləşçisi 1/8 finalda mübarizəyə başlayıb.
U-20 dünya çempionatı
Yunan-Roma güləş
5️0 kq
Aysel Məmmədzadənin rəqibi Fatma Kızmaz (Türkiyə) olub. 0:6 hesabı
ilə uduzan güləşçimiz mundialda mübarizəni yekunlaşdırıb.
55 kq
Nərgiz Səmədova ilk olaraq çinli Lixuan Çendən güclü olub. Dramatik
keçən görüşdə Səmədova 18:13 hesabı ilə qalib gəlib. Nərgiz 1/4
finalda monqolustanlı Kalium Byambasurenə 2:6 hesabı ilə uduzub.
Rəqib finala vəsiqə qazansa, güləşçimiz bürünc uğrunda
təsəlliverici görüşlərə qatılacaq.
59 kq
Ruzanna Məmmədova ilk görüşdə polşalı Nikola Vasilevskayanı 4:2
hesabı ilə üstələyib. Məmmədova 1/4 finalda çinli Yifan Zhunu (4:0)
üstələyib. Ruzannanın yarımfinalda rəqibi Sakura Onişi (Yaponiya)
olacaq.
Qeyd edək ki, Azərbaycan yığması mundialda 25 idmançı ilə təmsil olunur. Dünya çempionatına sentyabrın 8-də yekun vurulacaq.