Bakı. Trend:
“Barselona” yarımmüdafiəçi Frenki de Yonqla müqavilənin uzadıldığını elan etməyə hazırlaşır.
Trend-in məlumatına görə, klub və futbolçu arasında danışıqların son mərhələsi gedir və yaxın vaxtlarda razılaşmanın rəsmiləşdirilməsi gözlənilir.
Proses futbolçunun nümayəndələrinin dəyişməsi səbəbindən bir qədər yubansa da, tərəflər arasında maliyyə məsələləri ilə bağlı hər hansı anlaşılmazlıq yaranmayıb.
28 yaşlı hollandiyalı futbolçu 2019-cu ildən “Barselona”nın heyətində çıxış edir. O, “Ayaks” klubundan 86 milyon avroya transfer olunub. Bu müddət ərzində de Yonq kataloniyalıların heyətində 267 oyun keçirib, 19 qol vurub və 24 məhsuldar ötürmə ilə yadda qalıb.