Bakı. Trend:
İşğaldan azad edilmiş ərazilərdə işçi və hərbi kontingentin zəruri ehtiyaclarının ödənilməsi məqsədilə 1-ci mərhələdə 24 layihə müəyyən edilib (Kəlbəcər və Laçın rayonları istisna olmaqla digər ərazilər üzrə).
Trend-in məlumatına görə, bu barədə Nazirlər Kabinetinin 2022-ci ildə fəaliyyəti haqqında Hesabatında qeyd edilib.
Həmin layihələrdən 11-nin fəaliyyətinin təşkili məqsədilə sahibkarlıq subyektləri ilə aidiyyəti qurumlar arasında icarə müqaviləsi imzalanıb. 11 layihədən artıq 5-i fəaliyyət göstərir və vergi uçotuna alınıb.
10 layihə üzrə müqavilələrin bağlanması istiqamətində iş aparılır. 3 layihənin icrası infrastrukturdan asılı olaraq qeyri-müəyyən müddətə təxirə salınıb. Digərləri ilə bağlı sənədləşmə həyata keirilməkdədir.
Xatırladaq ki, bu gün Azərbaycan hökuməti Milli Məclisdə hesabat verir, iclasda Baş nazir Əli Əsədov, nazirlər iştirak edir.