...

Azərbaycan Mərkəzi Bankı "Bazel-3"ün tövsiyələrinin tətbiqinin mümkünlüyünü nəzərdən keçirir

Biznes və iqtisadiyyat xəbərləri Materials 3 Fevral 2011 17:03 (UTC +04:00)

Trend-i buradan izləyin

Azərbaycan, Bakı, 3 fevral /Trend, müxbir İ.Xəlilova/

Azərbaycan Mərkəzi Bankı (AMB) ölkənin bank sektorunun əsaslı Bazel-2 sazişinə keçidinə kəskin ehtiyacın olmadığını hesab edir. Bu barədə cümə axşamı Trend-ə AMB-nin Kredit təşkilatların fəaliyyətinə nəzarət departamentinin direktoru Rəşad Orucov deyib.

"Mərkəzi Bankda Bazel-2 standartlarına (əsaslı saziş) keçid məsələsi fəal müzakirə edilmişdi, hətta keçid planı da hazırlanmışdı və onun yerinə yetirilməsinə başlanılmışdı. Lakin hazırda daha çox Bazel-3 çərçivəsində tövsiyələrin tətbiqindən danışılır", - Orucov bildirib.

Orucovun sözlərinə görə, Azərbaycan Mərkəzi Bankı hazırkı mərhələdə əsaslı sazişə (Bazel-2) keçidə ehtiyacın olmadığını hesab edir, belə ki ölkədə bu gün elə mürəkkəb maliyyə bazarları, maliyyə alətləri yoxdur.

"Eyni zamanda, bu, öz-özlüyündə hədəf deyil və burada məsələ təkcə bank sektorunun Bazel-2-yə keçidə hazır olmasında deyil. Bu, daha çox ümummilli məsələdir və bu proses üçün ümulikdə iqtisadiyyat hazır olmalıdır", - departament rəhbəri hesab edir.

İstənilən halda, hətta bu sazişə qoşulan ölkələr də dünya böhranın təsirindən yaxa qurtara bilməyiblər, belə ki Bazel-2 böhranlı vəziyyətdə bütün məsələlərin həllini təmin etməyib.

"Və bunun nə dərəcədə adekvat və ya effektiv qərar olması barədə danışmaq kifayət qədər çətindir, buna görə bu gün Bazel-2 üzrə sazişə yenidən baxılması məsələsi müzakirə edilir", - o, qeyd edib.

"Bu günə biz Bazel-1 üzrə əsaslı sazişi kifayət hesab edirik, lakin Bazel Komitəsinin Bazel-2 standartı üzrə tövsiyələri çərçivəsində bazar intizamı və bankların şəffaflığının təmin edilməsi, bank nəzarətinin effektivliyinin artırılması istiqamətində daha çox işləyəcəyik", - Orucov vurğulayıb.

"Bazel-2" standartları risklərin qiymətləndirilməsi və kapitalın hesablanması üzrə xüsusi üsuldur. Aİ və böyük dövlətlər hər il "Bazel-2" standartlarına tam keçidi təxirə salırlar. Belə ki, onlar makroprudensial göstəriciləri qiymətləndirir və bu standartlara kəskin keçidin maliyyə xidmətlərinə təsir edə biləcəyini görürlər. Bu isə real sektorun maliyyə xidmətlərinin azalmasına səbəb olar ki, bu da iqtisadi artımın sürətini azalda bilər.

Xəbər lenti

Xəbər lenti