Bəzən ehtiyatlı olmağımız belə yetərli olmur. Gözlənilməz hadisələr həyatımızı və ya onun tərzini dəyişir. Əlavə məsuliyyət sahibi oluruq, sağlamlığımıza və əmlakımıza zərər dəyir. Hadisələrin baş verməsindən sığortalanmasaq da, dəymiş zərərin əvəzini tam və ya qismən kompensasiya etdirmək imkanı vardır. Bu imkandan ən az zərərlə yararlanmaq məhz sığortalanmaqdır.
"Meqa Sığorta" Şirkəti KASKO sığortası üzrə irihəcmli ödəmə həyata keçirib. Qeydə alınan yol- nəqliyyat hadisəsi Bakı-Qazax-Gürcüstan yolunun 21-ci km-də baş verib. Belə ki, "Meqa Sığorta" ASC tərəfindən KASKO sığorta növü üzrə sığortalanmış "Toyota Land Cruiser" markalı avtomobilin sahibinə 42 000 AZN sığorta ödənişi edilib. Qeyd etmək olar ki, avtomobilin təmirinə lazım olan xərc sığorta dəyərinin 75 faizini keçdiyi üçün avtomobil tam məhv olmuş hesab edilib.
