Azərbaycan, Bakı, 2 yanvar /Trend, müxbir Maksim Tsurkov/
Qiymətli Kağızlar üzrə Dövlət Komitəsi (QKDK) Azərbaycan Mərkəzi Bankı yanında Azərbaycan İpoteka Fondunun 50 milyon manat həcmində faizli, sənədsiz, adlı, təmin edilmiş istiqrazlarını qeydiyyata alıb. Bu barə Trend QKDK-ya istinadən məlumat verir.
Bu, ölkədə ipoteka istiqrazlarının 9-cu buraxılışı olacaq.
Emissiya çərçivəsində hər birinin nominal dəyəri 1000 manat olan 50 min ədəd istiqraz buraxılıb.
Yerləşdirmə kütləvi təklif üsulu ilə aparılacaq.