Bakı. Trend:
İsrail və ABŞ-nin İrana hücumlarından sonra Yaxın Şərqdəki vəziyyət hələlik Yaponiyanın neft təklifi və tələbatına təsir göstərməyib. Yaponiyanın neft təchizatı 90%-dən çoxu regiondan asılıdır.
Trend xəbər verir ki, bunu Yaponiya Nazirlər Kabinetinin katibi Minoru Kihara Milli Təhlükəsizlik Şurasının iclasından sonra keçirilən mətbuat konfransında bildirib.
Kihara mətbuat konfransında qeyd edib: “Hazırda bunun Yaponiyanın neft təklifi və tələbinə dərhal təsir edəcəyi ilə bağlı heç bir məlumat almamışıq.”
O əlavə edib ki, Tokio vəziyyəti tez bir zamanda deeskalasiya etmək üçün beynəlxalq ictimaiyyətlə işləməyə davam edəcək və bütün lazımi diplomatik səyləri göstərəcək. Kihara İranın nüvə silahı hazırlamağı və regionu qeyri-sabitləşdirən hərəkətləri dayandırmalı olduğunu vurğulayıb, lakin İsrail və ABŞ-ın əməliyyatlarına birbaşa münasibət bildirməyib.