...

“Azərbaycan Dəmir Yolları” qəza ilə bağlı məlumat yaydı

Gündəm Materials 29 İyul 2019 14:39 (UTC +04:00)
Bu gün saat 12:45-də Qala-Binə mənzilinin 30-cu kilometrində yerləşən qorunmayan dəmir yolu keçidində yol-nəqliyyat hadisəsi baş verib.
“Azərbaycan Dəmir Yolları” qəza ilə bağlı məlumat yaydı

Bakı. Elçin Mehdiyev - Trend:

Bu gün saat 12:45-də Qala-Binə mənzilinin 30-cu kilometrində yerləşən qorunmayan dəmir yolu keçidində yol-nəqliyyat hadisəsi baş verib.

Trend-in məlumatına görə, bu barədə “Azərbaycan Dəmir Yolları” QSC məlumat yayıb.

Məlumatda qeyd edilir ki, İnfrastruktur Departamentinin 4 saylı yol sahəsinə məxsus drezin qorunmayan dəmir yolu keçidində hərəkətdə ikən, keçidi keçməyə cəhd göstərən Pirallahı qəsəbəsinin sakini Rəşad Cəlil oğlu Əliyevin idarə etdiyi “Mersedes” markalı” avtomaşın drezinlə toqquşub.

Hadisə nəticəsində avtomobildə olan 3 nəfər sərnişin müxtəlif dərəcəli bədən xəsarətləri aldıqları üçün təcili tibbi yardım maşınları ilə xəstəxanaya aparılıb.

Hadisənin baş verməsinə səbəb avtomobilin sürücüsü tərəfindən Azərbaycan Respublikasının “Yol hərəkəti haqqında Qanunu”nun 44-cü maddəsinin tələblərinin pozulması olub.

Məqalədə:
Xəbər lenti

Xəbər lenti