Azərbaycan, Bakı, 22 aprel /Trend, müxbir İ.İzzət/
Xəzər rayonu Pirallahı qəsəbəsinin ərazisində yol-nəqliyyat hadisəsi ölümlə nəticələnib.
Daxili İşlər Nazirliyinin mətbuat xidmətindən Trend-ə verilən məlumata görə, aprelin 21-də saat 05:30 radələrində Pirallahı qəsəbəsi ərazisində qəsəbə sakini Rüstəm Əhmədov idarə etdiyi "VAZ-2107" markalı avtomaşını yolun kənarındakı ağaca vurub.
Nəticədə Əhmədov hadisə yerində, xəsarət almış sərnişini - həmyerlisi Seyid Nurəliyev isə xəstəxanaya aparılarkən yolda ölüblər.
Xəzər Rayon Polis İdarəsi tərəfindən araşdırma aparılır.