Azərbaycan, Bakı, 9 dekabr /Trend, müxbir İ.İzzət/
Bakıda iki avtomobil toqquşub, ölən və xəsarət alanlar var.
Bakı şəhər Baş Polis Polis İdarəsinin mətbuat xidmətindən Trend-ə verilən məlumata görə, dekabrın 8-i, saat 18:00 radələrində Pirallahı-Bakı yolunun Qala qəsəbəsi ərazisindən keçən hissəsində Abşeron rayon sakini İlham Həşimovun idarə etdiyi "Mercedes" və Bakı şəhər sakini Maarif Əhmədovun idarə etdiyi "VAZ-21011" markalı avtomobillər toqquşub.
Hadisə nəticəsində Maarif Əhmədov və sərnişini Kamil Atayev xəsarətlə xəstəxanaya yerləşdirilib. Onun digər sərnişini Əsədulla Əliyev isə hadisə yerində ölüb.
Faktla bağlı cinayət işi açılıb, araşdırma aparılır.