Azərbaycan, Bakı, 29 avqust /Trend, müxbir İlkin İzzət/
Xaçmaz rayonu ərazisində yol-nəqliyyat hadisəsi ölümlə nəticələnib.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, avqustun 28-də saat 01 radələrində Xaçmaz rayonu ərazisində Quba şəhər sakini Ramiz Almazov idarə etdiyi "KİA" markalı avtomobili at arabasına vurduqdan sonra eyni istiqamətdə hərəkətdə olan Köhnə-Xaçmaz kənd sakini Məhərrəm Cəbiyevin idarə etdiyi "KamAZ" markalı avtomobil onun avtomobilinə dəyib. R.Almazovun sərnişini - Bakı şəhər sakini Günay Ələsgərova hadisə yerində ölüb.
Hadisə ilə əlaqədar BDYPİ tərəfindən araşdırma aparılır.