Azərbaycan, Bakı, 1 oktyabr /Trend, müxbir İlkin İzzət/
Goranboy rayonunda baş verən yol-nəqliyyat hadisəsi öıümlə nəticələnib.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, sentyabrın 30-da saat 09 radələrində Goranboy rayonunun Rəhimli kəndində rayon sakini Bəxtiyar Eyvazov idarə etdiyi "Renault" markalı avtomobili yolun kənarındakı ağaca vurub.
B.Eyvazovun sərnişini - Bakı şəhər sakini Roman Məmmədov hadisə yerində ölüb, özü isə xəstəxanaya yerləşdirilib.
Faktla bağlı Goranboy RPŞ tərəfindən araşdırma aparılır.