Bakı. Fərid Zöhrabov - Trend:
Sosial şəbəkələrdə "Green Card"ın Azərbaycandan olan qaliblərinin viza ilə bağlı müsahibələrinin Tbilisidə deyil, Bakıda keçiriləcəyi barədə məlumat yayılıb.
Yaranan suallarla bağlı ABŞ-ın Azərbaycandankı səfirliyi Trend-in sorğusunu cavablayıb.
Səfirlikdən bildiriblər ki, Gürcüstan və Azərbaycan vətəndaşları və bu ölkələrdə yaşayan şəxslər üçün ABŞ-a immiqrant vizası əməliyyatları ABŞ-ın Tbilisidəki səfirliyində həyata keçirilir. Bu siyasətdə heç bir dəyişiklik yoxdur.
"COVID-19 pandemiyası ilə əlaqədar ABŞ-ın Azərbaycandakı səfirliyi mütəmadi qeyri-immiqrant viza əməliyyatlarını həyata keçirə bilmir. Biz hal-hazırda yerli şərtlər, resurslar və təhlükəsizlik qaydaları çərçivəsində zəruri viza kateqoriyaları üçün mümkün olan sayda görüş vaxtları təyin edirik", - deyə məlumatda bildirilir.
Twitter:@FaridZohrabov