Bakı. Trend:
İsveçrə Konfederasiyasının Azərbaycandakı fövqəladə və səlahiyyətli səfiri Tomas Ştelin fevralın 12-də Bakı Beynəlxalq Dəniz Ticarət Limanına (BISTP) baş çəkib.
"Son vaxtlar Bakı limanından keçməklə Asiyadan İsveçrəyə yükdaşımaların həcmi artıb. Əgər 2022-ci ildə bu rəqəm 146 755 ton idisə, 2023-cü ildə 551 074 tona yüksəlib", - məlumatda deyilir.
Səfirin limanın baş direktoru Taleh Ziyadov ilə görüşündə əməkdaşlığın cari və gələcək istiqamətləri, o cümlədən 2022-2025-ci illər üçün İsveçrə Əməkdaşlıq Proqramı ilə potensial tərəfdaşlığı müzakirə edilib.
Tərəflər davamlı regional kommunikasiya üçün Orta Dəhliz çərçivəsində BMSCP-nin strateji rolunu, habelə liman fəaliyyətlərində davamlı və ekoloji cəhətdən təmiz həllərin tətbiqində irəliləyişləri müzakirə ediblər.