Bakı. Trend:
Serbiyalı tennisçi Novak Cokoviç peşəkar karyerasında növbəti əlamətdar uğura imza atıb. 37 yaşlı ulduz idmançı İsveçrənin Cenevrə şəhərində təşkil olunan ATP-250 turnirinin qalibi olub.
Trend-in məlumatına görə, finalda polşalı Hubert Hurkaçla qarşılaşan Cokoviç ilk setdə məğlub olsa da, sonrakı iki setdə taybrek hesabı ilə üstünlük qazanaraq 5:7, 7:6 (7:2), 7:6 (7:2) nəticəsi ilə çempion tituluna sahib çıxıb.
Bu qələbə ilə Novak Cokoviç tennis tarixində 100 titul qazanan 3-cü tennisçiyə çevrilib. Onun önündə yalnız Cimmi Konnors (109) və Rojer Federer (103) yer alır.
Qeyd edək ki, Cokoviç “Böyük Dəbilqə” turnirlərində 24 dəfə çempion olub.