Bakı. Trend:
Maliyyə Bazarlarına Nəzarət Palatasının (MBNP) Direktorlar Şurasının 10 aprel tarixli qərarına əsasən, “Günay Bank” ASC-nin “5 saylı” filialının və “5 saylı” şöbəsinin açılması üçün icazə verilib.
Bu barədə Trend-ə Palatadan məlumat verilib.
Direktorlar Şurasının iclasında sözügedən bankın filial və şöbəsinin açılması ilə əlaqədar daxil olmuş müraciətə baxılaraq müsbət qərar qəbul edilib.
MBNP-nin Direktorlar Şurasının qərarı ilə “Günaybank” ASC-nin Nəsimi rayonu, Şamil Əzizbəyov 185 ünvanında yerləşəcək “5 saylı” filialının və Nəsimi rayonu, Zərgərpalan küçəsi, ev 5, mənzil 4 ünvanında fəaliyyət göstərəcək “5 saylı” şöbəsinin açılmasına icazə verilib.